БИШКЕК, 31-мар. — Sputnik. Борбор калаада КСДПнын жабык эшик артында өтүп жаткан съезди Кыргызстандын гимни менен башталды.
Президиумда экс-президент Алмазбек Атамбаев жана КСДП фракциясынын лидери Иса Өмүркулов, вице-спикер Асел Кодуранова отурат. Алгачкы сөздү партиянын өкүлү Фарид Ниязов сүйлөдү.
Съезд Бишкектин Москва көчөсү менен Эркиндик проспектисинин кесилишкендеги бизнес борборунда өтүүдө.
Алмазбек Атамбаев КСДПны 2011-жылдын аягына чейин жетектеп келген. Президент болгондон кийин төрагалыктан кеткен. Ошондон бери анын орду бош болчу.
Кыргызстандын социал-демократтар партиясынын өткөрүп жаткан съездин Sputnik Кыргызстан агенттигинин тесттик трансляциясынан окуңуз.