БИШКЕК, 30-мар. — Sputnik. Туркмөнстандын президенти Гурбангулы Бердымухамедовдун уулу Сердар Бердымухамедов өлкө парламентине депутат болуп келди. Бул туурасында РИА Новости жергиликтүү басылмаларга таянып билдирди.
Түркмөнстанда парламенттик шайлоо 25-мартта болгон. Аны менен кошо бир округдан мектеп директорунун орун басары Кака Огулджерен Гурдова чыккан.
Сердар Бердымухамедов 1981-жылы туулган. Сапармурат Ниязов атындагы Түркмөнстандагы айыл чарба университетинен инженер-технолог адистигин алган.
2008-2011-жылдары Россия ТИМинин дипломатиялык академияны аяктаган. 2011-2013-жылдары Женевадагы Саясат коопсуздугу борборунда окуп, европалык жана эл аралык коопсуздук адистиги боюнча билим алган.
Межилис — Түркмөнстандагы мыйзам бийлигин жүргүзгөн мамлекеттик жогорку органдарынын бири. Парламент мүчөлөрү беш жыл ичинде бир ирет шайланып турат.