БИШКЕК, 30-мар. — Sputnik. Президент Сооронбай Жээнбеков Жалал-Абад менен Чүйдөгү бир катар жергиликтүү кеңештерди таратып, кайрадан шайлоо дайындоо боюнча Жарлыкка кол койгонун өлкө башчынын маалымат кызматы билдирди.
Ага ылайык, Аксы районундагы Кара-Жыгач менен Сокулук районундагы Сокулук айылдык кеңеши аткаруучу органдын башчысын тандай алышкан эмес.
Андыктан жаңы шайлоо 2018-жылдын 13-майына белгиленип, Борбордук шайлоо комиссиясына мөөнөтүнөн мурда белгиленген шайлоону уюштуруп, өткөрүү тапшырылды.
Президенттин жогорудагы Жарлыгын көзөмөлдөө президент аппаратынын мамлекеттик башкаруу саясаты жана уюштуруу-көзөмөлдөө иштери бөлүмүнө тапшырылган.