БИШКЕК, 27-мар. — Sputnik. Оштун Кара-Кулжа районундагы Биринчи Май айылында көлөмү 25-30 метр кубга жеткен эски жер көчкү жылып, 18 491 кишини суу менен камсыздаган түтүктөрдү жараксыз абалга кабылтты. Бул тууралуу ӨКМ билдирди.
Маалыматка ылайык, көчкү кечээ, 26-март күнү, болжол менен саат 11.30да жылган.
"Ушу тапта "Кара-Кужла Таза суу" муниципалдык ишканасы тарабынан жашоочуларды суу менен камсыздоо чаралары көрүлүүдө. Жарандык коргонуу кызматы абалдан кабардар", — деп айтылат билдирүүдө.
Мындан тышкары, көчкү электр зымдарынын үч түркүгүнө жана ички жолго коркунуч жаратып жатканы белгилүү болду. Ал эми айылдан 500 метр алыс болгондуктан адам өмүрүнө кооптуулук жок.