БИШКЕК, 25-мар. — Sputnik. Кыргызгидромет бир жумага карата аба ырайы божомолун таратты.
Маалыматка ылайык, бүгүн, 25- март күнү өлкө аймагында жаан-чачын күтүлбөйт. Чүй, Талас облустарында 23…28 градус жылуу болот. Ал эми 26-марттан 29-мартка чейин аталган аймактарда абанын температурасы 10…15 градуска төмөндөп, жамгыр жаайт.
Ош, Жалал-Абад, Баткен облустарында 25-мартта күн 23…28 градуска ысып, 26-марттан 29-мартка чейин жаан жаашы мүмкүн. Абанын температурасы 11…16 градуска төмөндөйт.
Ысык-Көл облусунда болсо, 25-март күнү абанын температурасы 12…17, ал эми 26-марттан 28-мартка чейин 7…14 градус жылуу болмокчу.
Бул күндөрү өлкөнүн көпчүлүк аймактарында жаан-чачын күтүлүп, тоолуу райондордо жолдор тоңголок, тайгак болот. Батыштан соккон шамалдын ылдамдыгы 4-9 метрге жетет.
Апта аяктап калганда 30-31-март күндөрү өлкөдө күн ачылып, абанын температурасы жогорулай баштайт.