БИШКЕК, 24-мар. — Sputnik. Бишкектин жашыл шаар статусун сактап калуу керектигин президент Сооронбай Жээнбеков билдирди.
Өлкө башчынын маалымат кызматы кабарлагандай, Жээнбеков 24-мартта ишембиликке чыккан. Анда ал мэр Албек Ибраимовго кайрылып, шаардыктарга эмне себептен бак-дарактар кыйылып жатканын түшүндүрүү керектигин билдирген.
"Түрдүү ушак-айыңдардан алыс болуу үчүн тургундарга так маалыматты жеткирүү зарыл. Жашылдандыруу боюнча жумуштарды дагы улантуу керек. Бишкектин жашыл шаар статусун сактап калуу абзел", — деди өлкө башчы.
"Өткөн жылы 7 миң, быйыл 15 миң көчөт отургуздук. Азыр биздин карамагыбызда 248 миң түп дарак бар. Алар каттоодон өткөрүлүп, ар биринин паспорту бар", — деп мэр билдирди.
Бак-дарактан тазаланган Тыныстанов көчөсүнүн көрүнүшүн Sputnik Кыргызстан агенттигинин материалынан көрүңүздөр.