"Микроавтобус" аталышындагы рейддин биринчи күнүндө эле түрдүү эреже бузуп жана техникалык абалы начар болгон маршруткаларга 67 протокол түзүлгөн.
Инспекторлор биринчи кезекте маршруттук таксинин техникалык абалын, фараларын, тормозун, маңдайкы терезенин сынып-сынбаганын, жүргүнчү отура турчу орундуктардын санын текшерет.
Бишкек ШИИБдин ЖКККББнын техникалык көзөмөл бөлүмүнүн башкы инспектору Турусбек Абдыжапаровдун айтымында, протокол түзүлгөндөн кийин айдоочу көрсөтүлгөн нерсени оңдоп, аны автоинспекторго көрсөтөт. Андан кийин гана айыпты төлөп ишин уланта алат.
Мындай рейддер жол кырсыгын алдын алуу максатында такай өткөрүлүп турмакчы.