БИШКЕК, 23-мар — РИА Новости. Япониянын түштүк тарабында сакура гүл ачып, Japan Cherry Blossom фестивалы башталды. Бул туурасында РИА Новости кабарлады.
Көптөрдүн кызыгуусун арттырып, суктандырган бул керемет көрүнүш өлкөнүн түндүгүндө, Осака тарапта 1-апрелге чейин созулат. Ал эми түндүк тарабында — Аомори, Хоккайдо, Тохоку аймактарында кечирээк башталып, апрелдин ортосуна чейин уланат.
Күн чыгыш өлкөсүнүн борбору Токионун өзүндө бул сулуулукту 6-апрелге чейин көрүүгө болот. Көз жоосун алган көрүнүш Синдзюку-Гёэн паркында кездешип, анда миңдеген сакура бактары гүл ачат.
Сакура — Япониядагы гүл. Ал учурдагы жашоонун жарыгын, кубанычын чагылдырат, адам өмүрүнүн ирмемдерин түбөлүктүүлүк менен салыштырып көз алдыга келтирген философиялык түшүнүктү камтыйт.
Сакурага кызыккандар Кыргызстанда да арбын. Былтыр Ысык-Көл облусунун "Тамга" санаторийинин аймагында "Сакура" багынын ачылышы болгон.