БИШКЕК, 23-мар. — Sputnik. 24-мартта түнкүсүн айрым жерлерде бир аз жаан жаап, тоолуу райондордо кар жаашы күтүлөт. Бул тууралуу Кыргызгидрометтен билдиришти.
Күндүз Чүй, Талас, Жалал-Абад облустарынын кээ бир райондорунда жаан, тоолуу райондордо кар жаашы күтүлөт.
Тоолуу райондордо жолдор тоңголок, тайгак болот. Батыштан соккон шамалдын ылдамдыгы секундасына 4-9 метрден, айрым жерлерде 15-20 метрге чейин жетиши мүмкүн.
Чүй менен Талас өрөөндөрүндө түнкүсүн 3…8, күндүз 15…20 градус жылуу болот. Ош, Жалал-Абад жана Баткенде түнкүсүн 4…9, күндүз 18…23 градус жылуу болушу ыктымал.
Ал эми Ысык-Көлдө түнкүсүн —2…+3, күндүз 9…14 градус жылуу болсо, Нарында түнкүсүн 0…-5, күндүз 8…13 градус жылуу болушу күтүлөт.