Өткөн жылы кыргыз бийлиги сырттан 27 миллиард 889 миллион сомдон ашык акча алган. Анын 22,2 миллиарды насыя болсо, калганы грант иретинде келген. Жыйынтыгында өлкөнүн тышкы карызы 2016-жылга салыштырмалуу 337 миллион 840 миң долларга өсүп, 4 миллиард 80 миллион доллардан ашты.
Эң көп акчаны — 17 миллиард сомго жакын каражатты Кытай берген.
Чет мамлекеттен келген каражаттын басымдуу бөлүгү транспорт, энергетика тармагына жумшалган. Ал эми 2016-жылы Кыргызстан башка өлкөлөрдөн 24 миллиард сомдон ашык акча алган.