Автор — Кыргыз-Түрк "Манас" университетинде көркөм өнөр боюнча билим алып жаткан жаш фотограф Айдана Иманкулова.
Ал Sputnik Кыргызстан агенттигинин кабарчысы менен болгон маегинде долбоорду өзү билим алган окуу жайдагы сынакка катышуу үчүн иштеп чыккандыгын айтты.
"Көптөн бери тээ мурдагы мезгилдерге, ата-энемдин жаш кезиндеги учурларга баш баксам деп ойлоп жүргөм. Мектепти айылдан бүтүп борборго жаңы келгени, көп нерсеге таңгалып, шаардан алган таасирлери кандай болгону мен үчүн абдан кызык жана баалуу. Менин ошол кезди чагылдырып берүү туурасындагы оюм – биздин окуу жайдагы "Бишкектеги жашоо" деп аталган долбоордо ишке ашты", — деп айтты Иманкулова.
Бул сүрөттөрү жаратууга болгону бир күн кеткен. Андагы башкы каарман, сүрөтчүнүн курбусу Айдана аттуу кыз болгон.