БИШКЕК, 16-мар. — Sputnik. Ишембиде күндүз Ысык-Көл облусунун айрым жерлеринде кар жаайт. Ал эми калган аймактарда жаан-чачын болбойт. Бул тууралуу Кыргызгидромет билдирди.
Тоолуу райондордо жолдор тоңуп, тайгак болот. Батыштан соккон шамалдын ылдамдыгы секундасына 2-7 метрден Ысык-Көл акваториясында 15-20 метрге жетет.
Аба ырайы Чүй, Талас жана Ош, Жалал-Абад, Баткен облустарында 9…14 градус, Ысык-Көлдө 2…7, Нарын аймагында 0…5 градус жылуу болот.
Бишкек менен Ош шаарларында күн ачык болуп, 12…13 градус нөлдөн жогору болору күтүлүүдө.