БИШКЕК, 13-мар. — Sputnik. Бишкек шаарында мурдагы Башкы прокуратуранын имаратынын ордуна шаардыктардын эс алуусу үчүн аянтча куруу пландалып жатканын "Бишкекбашкыархитектура" (ББА) ишканасынын маалымат кызматынан кабарлашты.
Окурмандар Sputnik Кыргызстан агенттигине кайрылып, аталган аймакка эмне курулуп жатканын билип берүүнү суранышкан.
"Бишкектеги Киев жана Орозбеков көчөлөрүнүн кесилишиндеги имараттын ордуна шаардыктардын эс алуусу үчүн жаңы аянт куруу каралып жатат. Учурда эскизи иштелүүдө. Бирок ал жерде капиталдык курулуш болбойт. Аянты канча болору жана кайсы убакта колдонууга берилери азырынча белгисиз", — деп түшүндүрүштү ББАнын маалымат кызматынан.
Бирок 2017-жылы Курулуштардын сейсмикалык туруктуулугу жана инженердик долбоорлоо мамлекеттик институту имарат дубалдарынын 70-80 пайызын жараксыз деп таап, тендер токтотулган.
Ал убакта анын ордуна эмне курулары так айтылган эмес.