БИШКЕК, 12-мар. — Sputnik. Бишкек шаарынын милициясы ыкчам иликтөө иш-чарасы учурунда киши өлтүрүүгө шектелген 30 жаштагы аялды кармады.
Милиция буга чейин 15-февралга караган түнү бычакталган азиат тегиндеги аялдын сөөгүн таанууну суранган.
"Ленин райондук милициясынын тергөөчүлөрү менен шаардык милициясы каза болгон аял 1983-жылы төрөлгөнүн аныктады. Аталган факты боюнча Кылмыш жаза кодексинин адам өлтүрүү беренеси боюнча кылмыш иши козголгон. Тергөөчүлөр адам өлтүрүүгө шектүүнү кармады", — деп айтылат маалыматта.
Кармалган 30 жаштагы келин кылмышка кызганычтын айынан барганын айтып, №1 убактылуу кармоо жайына эки айга камакка алынды.