Украина президенти Петр Порошенконун кортежи Киевдин чок ортосунан 87 жаштагы карыяны коюп кеткенин "1+1" телеканалынын жаңылыктарынан кабарлашты.
7-март күнү болгон окуя видеокөзөмөлгө түшүп калган. Андан жолдон өтүүгө аракет кылган карыяны машина коюп кеткенин көрүүгө болот. Кырсыкка себепкер унаа токтогону менен кортеж артын карабай жолун улай берген. Ал эми пенсионер жолдо кыймылсыз жаткан боюнча калган.
Акыркы маалыматтар боюнча карыя реанимацияга жаткырылган. Бутуна операция жасоо күтүлүп жатканы айтылды. Ал эми Украинанын "Вести" интернет басылмасы жабырлануучуну полиция унаасы сүзгөнүн, бирок күнөөнү пенсионер өзү моюндаганын кабарлады.