100 үйдөн 90у газ коштурууну кааласа, ошол аймакка газ жеткиребиз. Бул тууралуу Арзымат Алдаяров Sputnik Кыргызстан радиосуна берген маегинде билдирди.
Анын айтымында, ошол аймактан газ киргизүүнү канчалык көп түтүн кааласа, газ жеткирүү ошончолук оңой болот. Жарандар ишкана орноткон газ куурунан үйүнө чейинки газ түтүкчөсүнө каражатты өздөрү төлөшөт.
"Эл чогулуп алып айыл өкмөткө же мэрияга билдирме таштаса, алар бизге жиберсе, ошол натыйжалуу болот. Анткени газ бөлүштүрүүчү атайын жабдуу белгилүү бир өлчөмдөгү газды бөлүштүрөт. Аз гана түтүн газ колдонууну каалап, биз ал жакка орнотуп койсок, бөлүнгөн газдын басымы күчтүүлүк кылып кетет", — деди Алдаяров.
Ал газ өткөрүүнү каалаган аймак калкына атайын насыялар бериле баштаганын кошумчалады.