БИШКЕК, 8-мар. — Sputnik. "Ала-Тоо" аянтында 50дөй кишинин катышуусу менен митинг өттү.
Каршылык акциясына чыккандар аялдардын тең укуктуулугун жана зомбулуктан коргоону талап кылып, борбордук аянттан Эркиндик проспектисине чейин жөө жүрүшкө чыгышты. Ошондой эле калаадагы бардык уюмдардын имараттарына майыптар үчүн пандустарды коюуну талап кылышты.
Катышуучулар "Тамак жасаба, арыктабы, баш ийбе", "Аял сенин ордуң ак үйдө" деген транспаранттарды көтөрүп алышкан.
Коомдук тартипке милиция кызматкерлери көз салышты.
8-мартта бир топ мамлекеттерде аялдардын эл аралык майрамы белгиленүүдө.