БИШКЕК, 5-мар. — Sputnik. Бишек шаарындагы “Ош” базарында өрт чыгып, үч бригада жөнөп кетти. Бул туурасында Sputnik Кыргызстан маалымат агенттигине 101 кызматынан кабарлады.
Аталган кызмат өрт тууралуу маалымат саат 21:06да келип түшкөндүгүн айтты.
“Киев менен Бейшеналиева көчөлөрүнүн кесилишиндеги Ош базарынын аймагында контейнерден өрт чыккандыгы боюнча маалымат түшүп, үч бригада жөнөп кетти”, — деп айтышты аталган кызматтан.
Эскерте кетсек, 30-январь күнү эртең менен саат 9.40дар чамасында "Ош" базарында өрт чыгып 3500 чарчы метрлик аянтты жалмаган. Тилсиз жоо менен күрөшүүгө 12 техника тартылган. Түшкө жуук өрт чектөөгө алынып, кечки саат 18.29да толугу менен өчүрүлгөн. ӨКМ кырсыктын кесепетинен "Сейтек" кичи базарындагы 108 күркө, "Берекет плюс" базарындагы 10 соода түйүнү күйүп кеткенин маалымдаган. Ал эми базар жетекчилиги өрттөнгөн жерде 250гө чукул адамдын соода түйүнү болгонун айтат.