Кыш акыркы каарын чачып, кар жаайт. Алдыдагы үч күндүн аба ырайы

БИШКЕК, 28-фев. — Sputnik. Жума менен ишембиде күн кескин сууктап, кээ бир аймактарга кар түшөт. Бул туурасында Кыргызгидромет шашылыш кабарлады.

"2-3-мартта Ош, Жалал-Абад, Баткен облустарынын дыйканчылык аймактарында жамгыр жааса, Чүй, Талас жана Ысык-Көл дубандарына жааган жамгыр карга айланышы мүмкүн. Нарынга жана тоолуу аймактарга кар түшөт", — деп айтылган маалыматта.

Түнкүсүн Чүй, Талас өрөөндөрүндө 0…-5 суук, күндүз 0…5 градус жылуу болот.

Ош, Жалал-Абад, Баткен облустарынын дыйканчылык аймактарында түнкүсүн 1 градус сууктан 4 градуска чейин көтөрүлөт. Күндүн аба ырайы 4…9 градус болуп жылыйт.

Ысык-Көл ойдуңунда түнкүсүн 1…6 градус суук, күндүз 1 градус сууктан 4 градуска чейин көтөрүлөт.

Нарын облусунун дыйканчылык аймактарында жана тоолуу райондордо түнкүсүн —8…-13, күндүз —3…-8 суук, бийик тоолуу райондордо түнкүсүн —16…-21, күндүз —5…-10 градус суук болушу күтүлөт.

Мындай аба ырайы автоунаалардын ары-бери каттоосуна, энергетика жана коммуналдык кызматтардын ишине кыйынчылык жаратат.

Ашуулар менен тоолуу жолдордо абайлаңыз!

Мартта күн кандай болот? Кыргызгидрометтин божомолу

15 Бирдин айы 2018, 18:33

28-февралдан 3-мартка чейинки өзгөрүп турган аба ырайынан улам бир топ жолдордо абайлап жүрүү керектиги эскертилди. Кыргызстандын тоолуу райондорунда, Бишкек — Ош унаа жолунун 121-137-чакырымдарында (Төө-Ашуу), 198-265 чакырымдарында (Ала-Бел ашуусу, Чычкан капчыгайы) жана 355-370-чакырымдарында (Көк-Бел ашуусу) жол тайгак болуп, көчкү түшүү мүмкүндүгү айтылды. Мындай кооптуулук Ала-Бука — Каныш-Кыя унаа жолунун 68-99-чакырымдарында, Красная-Горка — Ак-Таш унаа жолунун 1-4-чакырымдарында, Казарман — Актал-Чат унаа жолунун 67-94-чакырымдарында (Кара-Көө ашуусу), ошондой эле Ийри-Суу участкасынын 42-44-чакырымдарында, Мырзаке — Кара-Кулжа — Алайкуу унаа жолунун 45-90, 145-150-чакырымдарында жана Каракол — Эңилчек унаа жолунун (Чоң-Ашуу ашуусу) 45-92-чакырымдарында бар.

ӨКМ мындан улам жол жүргөндө унаалардын 500 метр аралыкты сактоо зарылдыгы эскертилди

Кыргызстанда март айында гана эмес, апрель айында дагы кар жаашы мүмкүн. Бул тууралуу Кыргызгидрометтин метеорологиялык бөлүмүнүн башчысы Махбуба Касымова Sputnik Кыргызстан агенттигине билдирген.