Бразилиядагы Флорианополис, Бигаусу, Итупоранга жана Блуменау шаарларында асмандан күндүн эки шакекчеси байкалды (оптикалык гало феномени). Бул тууралуу Globo сайты жазып чыкты. Күбөлөр бул кубулушту сүрөт, видеого тартып алышкан.
Гало жарыктын күчтүү булагынан жаралат. Негизинен ал булактар күн менен ай болуп эсептелет. Жаратылыштын бул кубулушу 5-10 чакырым алыстыктагы тропосфера катмарында кристаллдардын чагылышуусунан пайда болот.