БИШКЕК, 26-фев. — Sputnik. Бишкек — Ош унаа жолунун Ноокен районунан өткөн аймагындагы 493 чакырымында (Ууру-Жар тилкеси) Hyundai Avante менен "Днепр" үлгүсүндөгү кран кагышып, эки киши жабыркап, эки киши каза болду. Бул тууралуу ӨКМдин маалымат кызматы билдирди.
Ага ылайык, жол кырсыгы 26-февралда болгон. Учурда маркумдардын аты-жөнү такталууда.
Кырсык болгон жерге келген куткаруучулар унаанын ичинде кыпчылып калган адамдарды чыгарып, ИИМ кызматкерлерине өткөрүп берген.