Ырдын сөзү акын Бактыгүл Чотуровага, музыкасы Жолдош Апасовго таандык. Аны "Город 312" тобунун солисти Ая (Светлана Назаренко) менен КР Эмгек сиңирген артисти Жылдыз Осмоналиева экөө аткарган.
Ырчылар кыргыз тилинде ырдашып, клипти тартуу иштери Игорь Матвиенконун Москвадагы студиясында жүргүзүлгөн.
"Дарак ыры" кыргыз киносунун тарыхында биринчи ирет кыргыз тилинде тартылган мюзикл. Ал турмушта болгон чыныгы окуяга негизделген.
Ал эми мюзикл кандай тартылганын, кандай кыйынчылыктар менен күтүлбөгөн окуялардын болгону туурасында тасманын авторлору Sputnik Кыргызстан агенттигине маек берген.