БИШКЕК, 18-фев. — Sputnik. 2017-жылы Кыргызстанда эшектин саны 10 миң башка азайган. Бул тууралуу Улуттук статистика комитетинин маалыматында айтылат.
Мекеменин кызматкерлери айыл-чарба жана мелиорация министрлиги менен бирге малды жана үй канаттууларын каттаган. Анын жыйынтыгы боюнча кой, эчки, чочко, бодо мал, жылкынын саны көбөйгөнү аныкталган. Үй канаттуулары да көбөйүп 5,9 миллионду (былтыр 5,7 миллион болчу) түздү.
Ошол эле учурда төө, коён жана эшектин саны азайган. Анын ичинен эшектердин саны 33 миңди түзгөн. Ал эми 2016-жылы эшектердин саны 43 миң болгон.