Мындан төрт жыл мурда Сочи Олимпиадасына кокустан катышып калган 23 жаштагы спорт чебери 22-февралда да таймашары күтүлүп жатат. Келечегинен үмүткөр кылган спортчунун даярдыгы, спорттон тышкаркы жашоосу, максаты тууралуу баяндамачы Кабыл Макешов айтып берет.
1. Евгений Тимофеев 1994-жылы 16-октябрда Бишкек шаарында төрөлгөн. 13 жашынан бери тоо лыжасы менен машыгат. Бул спортко атасы кызыктырып, шыктандырган. Кышкы спорттун сырларын, ыкмаларын үйрөткөн устаты — Кыргызстандын тоо лыжа спорт федерациясынын президенти Игорь Борисов.
2. Буюрган Олимпиада. 2014-жылы Сочи Олимпиадасына Тимофеев кокустан катышып калган. Себеби Сочиде олимпиадалык мелдештердин алдындагы 12-февралдагы машыгууларда Дмитрий Трелевский жаракат алып, Кыргызстандын Улуттук олимпиада комитетинин суранычы менен анын ордуна 19 жаштагы Евгенийди жөнөтүүгө Эл аралык олимпиада комитети макул болгон. Жаш болсо дагы үч күн даярданып, чоң слаломдо 109 катышуучудан 61, ал эми слаломдо 115 катышуучудан 41-орунга илинип, марага эсен соо жетип, кубандырган.
4. Жетишкендиги. 2013-жылдан бери тоо лыжасы боюнча Кыргызстандын тандалма командасынын мүчөсү. 2014-жылы Түштүк Кореяда өткөн Азия чемпионатында 4-орунга илинген. 2017-жылы февралда Япониянын Саппоро шаарында өткөн кышкы Азия оюндарында каталык кетирип алып, 8-орун менен чектелген. 2017-жылы Алматыда өткөн Бүткүл дүйнөлүк студенттердин кышкы уиверсиадасына катышкан. 2017-жылы декабрда Түркияда өткөн эл аралык мелдеште үчүнчү орунду ээлеген. Тоо лыжа спорту боюнча Кыргызстандын эки жолку чемпиону. Эл аралык турнирлердин катышуучусу.
5. Олимпиадага даярдануу үчүн Караколдо, Чүй облусунун базаларынын биринде машыгап, бир нече жолу Австрияда жана Швейцарияда дагы даярдык көргөн.
7. Тоо лыжа спортунан тышкары 2015-жылдан бери вейкбординг тебүү менен машыгып, мелдештерге катышып жүрөт. КР чемпионатында күмүш байге алган. Альпинизмге да кызыгып, аска-зоого чыгууну хобби кылып жүрөт. Мындан сырткары, батут менен секирүүгө кызыгып, келечекте өзүн чыныгы дрифтте сынагысы келет.
Кыргызстандын намысын алыскы Түштүк Кореяда дагы бир спортчу Тариэл Жаркымбаев да коргоп жатат. Олимпиаданын ачылыш салтанатында кыргыз туусун көтөрүп чыгуу шыбагасы да дал ушул спортчуга тийген.