БИШКЕК, 16-фев. — Sputnik. Сириядан жанкечтинин атайын окуусунан өтүп, Кыргызстанда террордук аракеттерди жасоо үчүн келген жаран Улуттук коопсуздук мамлекеттик комитети тарабынан кармалганын мекеменин маалымат кызматы билдирди.
Ага ылайык, УКМКнын кызматкерлери 13-февралда атайын иш-чаранын жүргүзгөн.
Учурда 26 жаштагы жаранга карата Кылмыш жаза кодексинин Башка мамлекетте согуш аракеттерине катышуу, террордук, экстремисттик аракеттерге даярдык көрүү жана жалданмачылык беренелери боюнча кылмыш иши козголду.
Кармалган киши УКМКнын убактылуу кармоо жайына киргизилип, тергөө амалдары уланууда.