БИШКЕК, 13-фев. — Sputnik. Ысык-Көл районундагы Булан-Сөгөттү айылынын "Аврора" пансионатындагы коттеджден өрт чыкты. Бул тууралуу ӨКМдин маалымат кызматы билдирди.
Ага ылайык, өрт тууралуу билдирүү тийиштүү кызматка 13-февралда саат 08:45те келип түшкөн.
Өрттү өчүрүү үчүн эки бөлүм тартылып, саат 9:45те толук өчүрүлгөн.
Алдын ала маалымат боюнча өрт электр зымдарын туташтырууда өрт коопсуздук эрежелерин сактабагандыктан чыккан.
Келтирилген чыгымдар такталууда.