БИШКЕК, 12-фев. — Sputnik. Италиянын Неаполь шаарындагы тинтүү учурунда укук коргоо органдары жасалма 40 миллион евро табышты. Бул тууралуу РИА Новости агенттиги билдирди.
Тинтүү учурунда шектүү киши жашаган Торре-дель-Греко аймагындагы сарайдан оозу катуу жабылган желим челектин ичинен 90 пакетке салынган 50 жана 100 евро номиналындагы акча табылган. Ошондой эле 50 еврону басып чыгаруучу техника, кагаздар табылган.
Укук коргоо органдары жасалма 41 миллион евро жогорку сапатта жасалганын билдирди.
Жергиликтүү ЖМКлардын жазышынча, жасалма акчаларды санап чыгуу үчүн алты полиция беш саат бою тынбай иштеген.
Буга чейин Токмок шаарынын тургундарынан да жасалма акча табылган.