БИШКЕК, 9-фев. — Sputnik. Бишкек шаарында ээн-эркин оттоп жүргөн жети жылкынын ээси малын алып кеткени Биринчи май райондук милициясына келди. Бул тууралуу укук коргоо органдарындагы өздүк булактар билдирди.
"Жылкыларын таап алган жаран милиция кызматкерлерине ыраазычылыгын билдирди", — деди булак.
Мал ээсинин айтымында, анын тогуз жылкысы Орто-Сай айылы тарапта оттуп жүрүшкөн. Алардын жанынан жарым саатка кетип калган ээси, келгенде жылкыларын таппай калган. Бирок экөө ошол замат эле табылып, калган жетөөнү милиция шаар аралап жүргөн жеринен айдап кеткен. Ээси жылкылар жөнүндө кийин интернеттен окуган.
Эске салсак, бүгүн Бишкек шаарынын Ахунбаев менен Малдыбаев көчөлөрүнүн кесилишинде ээсиз жүргөн жети жылкы "102" батальонунун ыкчам кызматкерлери тарабынан табылган. Ошол замат милиция малдын ээсин издей баштаган.
Белгилей кетсек, былтыр жайында шаарды бошонуп кеткен уй аралап, аял менен милиция кызматкерин сүзгөн.