БИШКЕК, 7-фев. — Sputnik. Кыргызстандын президенти Сооронбай Жээнбеков менен Казакстандын башчысы Нурсултан Назарбаев бүгүн, 7-февралда телефон аркылуу сүйлөшүп, бир катар актуалдуу маселелерди талкуулаганын мамлекет башчысынын маалымат кызматы билдирди.
Тараптар мамилелерди мындан ары да арттыруу, келишимдерди аткаруу жана Евразиялык экономикалык биримдиктин алкагында карым-катнашты илгерлетүү боюнча пикир алышкан.
Ошондой эле күн тартибиндеги аймактагы жана дүйнөлүк актуалдуу маселелер талкууланган.