БИШКЕК, 7-фев. — Sputnik. Санкт-Петербургда дайынсыз болуп жаткан кыргызстандык жеткинчектин сөөгү 6-февраль күнү кечинде Витебский жана Дунай проспектилеринин кесилишинен табылды. Бул туурасында "Фонтанка.ру" интернет басылмасы билдирди.
Санкт-Петербургдун тергөө комитети аялдан баланы каякка жашырганын сурап, эгер ал тирүү болсо жазага тартылбай турганын эскертсе да айта алган эмес. Эртеси Кылмыш иликтөө башкармалыгынын кызматкерлери тарабынан суракка алынган 23 жаштагы Д.Ж атуу жаран (күйөө баласы) баланы өлтүргөнүн мойнуна алган.
"Документтерге ылайык, аял баласын Түркиядагы медресеге окутам десе, атасы ага каршы чыккан. Ал көптөн бери шаарда маршрутка айдап иштеп жүргөн. Ал эми эне-бала бир жарым ай мурда барышкан. Күйөө баласын суракка алганда ал баланы муунтуп өлтүрүп, андан соң сөөгүн унаасына салып барып "Купчино" метро станциясынын аркасындагы ээн жерге таштап кеткенин айткан. Кийинчерээк баланын сөөгү ошол жерден табылган", — деп жазылат маалыматта.
Шектүү мындай кадамга аялы менен жакшы жашатпай тынчын ала берген кайната-кайненесинен өч алуу максатында барганын айткан.
Граната көтөргөн студент, бомба жасап саткан прапорщик. Sputnik Кыргызстан агенттиги 25 жыл мурун февраль айында болгон кылмыш иштерди сунуштайт.