Айылдын катаал шартында чоңойгондуктан, сасык тумоонун дабасы жөнөкөй эле болчу: арча, ысык сорпо, койдун майы… Сакайып кетсең — азаматсың. Көбүбүз айыгып кетчүбүз!
Антпеш керек! Баланын организми инфекцияларга туруштук берүүгө көнүшү зарыл. Ошондуктан чүрпөңүз арыкчырай, кийингени жеңил жана эмделген болууга тийиш.
Апалардын суук тийгенде бутка тургузчу алты кеңешин талдап көрөлү. Чындап эле алардын дабасы күчпү?
№1 лайфхак: бөлмөнү арчалоо
Пайдасы: далилденген
Чындап эле арча түтөткөндө чыккан түтүн жана эфирдик майлар микроорганизмдерди жок кылат. Абаны тазалайт, вирустун таркашына бөгөт болот.
№2 лайфхак: сарымсак мончок
Пайдасы: тастыкталган
Бул айланадагыларды сасык тумоону жугузуп алуудан гана сактабастан, бейтаптын абалын да жеңилдетет. Себеби фитонциддер анын мурдундагы жана ооз көңдөйүндөгү вирус жана бактериялар менен күрөшүүгө жөндөмдүү.
№3 лайфхак: желдетүү
Пайдасы: далилденген, бирок эскертүүлөргө да көңүл буруу кажет
Вирус жана бактериялардын көпчүлүгүн 24-28 градус жылуулук жаратат. Сырттан кирген муздак аба микроорганизмдерди жалпылай жайлап кетет. Бирок бир миллиметрден кичине болгондорунун баарын жок кылуу үчүн бөлмөнү эки саат желдетүүгө туура келет.
Эшик-терезенин баарын ачып, өтмө жел менен алдаканча тездетүүгө болору да ырас. Мындайда 10-15 мүнөт деле жетиштүү.
№4 лайфхак: сары май, койдун, кашкулактын, иттин майы жана башка майлар
Пайдасы: шектүү
Жалгыз оң таасири майдын өзүндө эмес, аны шыбап жаткандагы денени укаланышында. Анан да майдын жука каты да адамдын денесине чел жаратат да, ал табигый жылуулук чыгарышына жолтоо болот. Ага караганда жылуу суу менен сүртүү артык.
№5 лайфхак: бал же малина кыямы кошулган чай
Пайдасы: далилденген.
Ошентсе да витаминдер, анын ичинде даңазаланган С витаминин да ашыкча ичүүгө болбойт! Кайсы бир убактарда С витаминин касиети ашкере баалагандар да болгон. Себеби, ал радикалдарды чыгарып, иммунитетти күчтөндүрүп, карылыкты кечеңдетет. Ошентсе да гипервитаминоз өтө кооптуу экенин эстен чыгарбоо керек.
№6 лайфхак: кайнатылган картошка буусу менен дем алуу
Пайдасы: эскертүүлөр менен далилденген
Эгер бейтап кургак жөтөлүп жатса, ингаляциянын бул түрүн жасоо натыйжа берет. Буунун мындай учурда жардамы дурус. Эгер картошкага куурулган пияз менен сарымсакты аралаштырып койсоңуз (фитонциддер туурасында унуткара элексиз да, чынбы?), андан бетер жакшы.
Мурдуңуздан суу куюлуп жаткан болсо, буулоодон кийин баарын эч жийиркенбестен жеп алганыңыз да оң: ысык картошкада бактериялар баары бир жашап кете албайт.