БИШКЕК, 2-фев. — Sputnik. Сеулдагы (Түштүк Корея) улуттук медициналык борбордо комада Валерий Кан аттуу кыргызстандык жаран жатат. Бул туурасында КРдин Түштүк Кореядагы элчилигинен кабарлашты.
Дипломатиялык өкүлчүлүктүн берген маалыматына караганда, 41 жаштагы адамдын абалы оор. Карай келгенде жанында паспорту жок болуп чыккан. Элчилик социалдык тармактагы баракчасына анын Түштүк Кореяда катталган документин жайгаштырган.
Элчилик анын жакындары же тааныгандар бул маалыматты эгерде угуп, окуп калса 023790951 жана 023790952 номерлери менен байланышууну өтүнүшкөн. Андан сырткары, Sputnik Кыргызстандын +996 706 566 544 номериндеги WhastApp жана Telegram каналдарына маалымат таштоого болот.