Бул маалыматтар коруктун YouTube каналына жарыяланган.
Видеонун автору арстандар алыстан пилдин баласын акмалап туруп, анан кол салганын айткан. Өлүм менен өмүр бетме-бет болгон бул ирмемдерде буйволдордун бири пайда болуп, андан соң үйүрү менен жардамга келген. Бул жаныбарлардын сүрүнөн корккон жырткычтар олжосун аргасыздан таштап чуркаган. Томолонуп жаткан кичинекей пил ордунан туруп, бадалга кире качканга үлгүргөн.
National Geographic Russia журналы кичинекей жаныбар баары бир ажалдан кутулуп кете албагандыгын жазды. Жырткычтар ача туяктуулар алыстап кеткенин билип, кайра кайтып келип, олжосун жара тартып жеп кетишкен.