БИШКЕК, 30-янв. — Sputnik. Бишкекте ММА боюнча FFC (Falсo Fighting Championship — ред) эл аралык турнири өтөт. Бул маалыматты Sputnik Кыргызстан маалымат агенттигине мелдешти уюштуруп жаткан "FALCO" спорттук клубунун президенти Шер Насирдинов тастыктады.
Турнир 11-мартта борбор калаадагы Кожомкул атындагы спорт сарайында өтөт. Анда 15 беттеш каралган.
Чемпиондук кур үчүн кыргызстандык "Жаш күч" спорт клубунун тарбиялануучусу Бактияр Тойчубаев менен өзбекстандык мушкер Отабек Хамзалиев күч сынашат.
FFC турнирине Кыргызстан, Казакстан, Тажикстан, Өзбекстан жана Россиянын эрежесиз уруш боюнча мушкерлери ат салышмакчы.