БИШКЕК, 26-янв. — Sputnik. Тажикстанда ала жипти аттагандарды кылмыш жоопкерчилигине тартуу сунушталып жатканын Sputnik Тажикстан агенттиги билдирди.
"Мындай пикирин башкы прокурор Юсуф Рахмон маалымат жыйын учурунда журналисттердин суроолоруна жооп берип жатып айтты", — деп жазылат маалыматта.
Журналисттердин бири акыркы учурда өлкөдө кызганычтын айынан адам өлтүрүү көбөйүп жатканын айтып, ала жипти аттаган түгөйлөрдү жоопко тартуу керектигин сунуштаган.
Былтыр октябрь айында Тажикстандын укук коргоо органдары адам өлтүрүүгө шектүү катары 56 жаштагы тургунду кармашкан. Ал 40 жаштагы мурдагы келинчегинин жумушуна келип, кызганычтын айынан аны 19 жолу бычак менен сайып өлтүргөн.
Басылма акыркы учурларда мындай окуялар байма-бай катталганын белгилейт.