БИШКЕК, 23-янв. — Sputnik. Шаршемби күнү Чүй, Талас, Ысык-Көл, Нарын облустарынын айрым жерлеринде бир аз кар жаашы күтүлөт. Бул тууралуу Кыргызгидромет билдирди.
Ага ылайык, түндүк-батыштан соккон шамалдын ылдамдыгы секундасына 4-9 метрге жетет.
Чүй өрөөнүндө —3…-8, Талас өрөөнүндө —1…-6 градус суук болот. Ал эми Ош, Жалал-Абад жана Баткенде күн 1…6 градус жылыйт. Ысык-Көл облусунда абанын температурасы болсо 2 градус сууктан 3 градуска чейин жылыса, Нарында —11…-16 градус суук болот.
Бишкек шаарында күн ачык болуп, 7 градус суук болсо, Ошто 6 градуска чейин жылыйт.