БИШКЕК, 23-янв. — Sputnik. Бишкекте 9-10-класстын окуучуларына мектеп рэкетчилиги тууралуу театрлаштырылган пьеса көрсөтүлдү. Бул иш-чара "Балдар биздин келечегибиз" аттуу форумдун алкагында өткөн. Аны Бишкек ШИИБи уюштурду.
Токтоболот Абдумомунов атындагы кыргыз улуттук академиялык драма театрынын театралдык колледжинин студенттери эжесин таарынткан бейбаш баланы бычактап салган окуучунун окуясын көрсөтүп беришкен.
Сценарий боюнча бейбаш бала өзү теңдүүлөрдөн акча чогултуп, кийимдерин тартып алып турган. Балдардын бири акча бере албай калганда анын жаңы спорт бут кийимин алып койгон. Эжеси окуя тууралуу билип, териштирүү үчүн барган.
"Балдар биздин келечегибиз" аттуу Бишкекте өткөн форумга 9-10-класстын 1400дөн ашык окуучусу, ИИМдин, казыяттын жана билим берүү министрлигинин өкүлдөрү катышкан.