БИШКЕК, 19-янв. — Sputnik. Кыргызстандын тышкы иштер министри Эрлан Абдылдаев Бириккен улуттар уюмунун башкы катчысы Антониу Гутерриш менен Нью-Йорк шаарында жолукту. Бул тууралуу тышкы иштер министрлигинин маалымат кызматы билдирди.
Жолугушууда Абдылдаев өлкөдө болуп жаткан өзгөрүүлөр, президенттик шайлоо боюнча айтты. Андан сырткары, БУУ менен Кыргызстандын жакынкы аралыктагы кызматташуусунун артыкчылык берилген багыттары талкууланды.
БУУнун баш катчысы өз кезегинде Кыргызстандагы президенттик шайлоого жакшы баасын берип, мындан ары да демократиялык өзгөрүүлөргө аракет кылууга чакырды.
Жолугушуунун соңунда Абдылдаев Гуттеришти Кыргызстанда сентябрь айында өтүүчү Көчмөндөр оюнуна чакырды.