БИШКЕК, 16-янв. — Sputnik. "Тазалык" ишканасынын кызматкерлери "Ала-Тоо" аянтындагы башкы балатыны жыйнап баштады. Бул тууралуу Бишкек мэриясынын маалымат кызматы Sputnik Кыргызстан агенттигине билдирди.
Балатынын бардык тетиктери жыйналгандан кийин "Тазалык" ишканасынын атайын кампасында сакталат.
Белгилей кетсек, жаңы жылдык балатыны, "Ала-Тоо" аянтын жана шаарды кооздоо үчүн жалпысынан 15 миллион 580 сом коротулган. Ал эми борбордук аянттын өзүн жасалгалоого 2 миллион 800 сом сарпталган.