БИШКЕК, 11-янв. — Sputnik. Сооронбай Жээнбеков 2018-жылдан тарта Мамлекеттик ипотекалык компания турак жайларды сатып алууга насыяларды бардык каалоочуларга бере баштай турганын айтты. Бул тууралуу президенттин маалымат кызматынан кабарлашты.
Мамлекет башчы мындай пикирин Нарын облусуна болгон жумушчу сапарынын алкагында Кочкор районунун жашоочулары менен жолугуп жатып билдирген.
"Быйыл, 2018-жылдан тарта, мамлекеттик кызматкерлер гана эмес, бардык каалаган КР жарандары ипотекалык насыяларды жылына 8 пайыз менен ала башташат. Ошондой эле келечекте ипотекалык насыялоонун пайыздык чени 6 пайызга чейин төмөндөйт", — деп Жээнбеков билдирген.
Ал эми президент бардык маселелер чечиле турганын, башкысы өлкөдө туруктуулук, ынтымак, талыкпаган эмгек болушу керектигин белгилеп өткөн.