БИШКЕК, 10-янв. — Sputnik. Бир аптадан кийин, тагыраагы 16-январда, Вашингтондо АКШ президенти Дональд Трамп Казакстан лидери Нурсултан Назарбаев менен кездешет. Бул туурасында Ак үй билдиргенин РИА Новости жазды.
"Президенттер өнөктөштүктүн алкагында аймактык коопсуздук жана экономикалык жааттагы кызматташууну бекемдеп өнүктүрүүнү талкуулайт", — деп айтылган маалыматта.
Ак үйдүн маалыматына караганда, Трамп менен Назарбаев буларга кошумча "БУУнун Коопсуздук кеңешиндеги төрагалык кылуу учурунда Казакстандын эл аралык бир катар маселелерде, өзгөчө Афганистан маселесин чечүүдө лидерлик кылышын кеп кылат".
Андан сырткары, эки тарап элди жапырт кыргынга учурата турган куралдарды таратпоо боюнча кызматташууну сүйлөшөрү айтылган.