БИШКЕК, 9-янв. — Sputnik. Түндүк Корея менен Түштүк Корея шейшемби күнү мамилесин жакшыртуунун жолдорун министрликтердин деңгээлинде талкуулоону баштады. Бул тууралуу РИА Новости Ренхап агенттигине таянуу менен билдирди.
Ага ылайык, жолугушуу Бишкек убактысы боюнча саат 7:00дө башталган.
Түндүк Кореянын лидери Ким Чен Ын элге жаңы жылдык кайрылуусунда өзөктүк куралданууну өнүктүрүү керектигин, ошол эле учурда Түштүк Корея менен болгон мамилени жөнгө салуу керектигин айткан. Андан сырткары, Түштүк Кореянын Пхенчхан шаарында боло турчу кышкы Олимпиада оюндарына өлкө спортчуларын катыштыруу боюнча сөз кылган. Расмий Сеул мындай пикирди колдой турганын дароо билдирген.
Чо Мен Гюн бир канча күн мурун журналисттерге берген маегинде сүйлөшүүлөр негизинен Түндүк Кореянын спортчуларын Олимпиада оюндарына катыштыруу жөнүндө болорун айткан.