БИШКЕК, 9-янв. — Sputnik. Өзбекстанда баасы 1,5 миллиард сумдан (190 миң доллар) ашкан 6 алтын куймасын мыйзамсыз алып чыгууга аракеттенген жаран кармалды. Бул тууралуу Sputnik Өзбекстан агенттиги жазды.
Укук коргоо органдары менен бажычылар коңшу айылдын тургунуна колго куюп койгон алты алтын куймасын берген А.Т. аттуу жаранды кармашкан.
"Ал куймаларды Чимён айылынын Б.А. аттуу жарынанын алган. Ал алтындарды машинасына салып, чек ара аймагына чейин алып келген. Экспертизанын жыйынтыгына ылайык, 999,6 пробасындагы алтындын салмагы 4,7 килограммдан ашат. Алдын ала маалымат боюнча баалуу металлдын баасы 1,5 миллиард сумдан ашат", — деп айтылат өлкөнүн улуттук коопсуздук кызматы тараткан билдирүүдө.
Териштирүү учурунда кармалган жарандар алтынды Кыргызстандын Ш.Х. аттуу жаранына берүүнү пландап жатканы аныкталган.
Өзбекстандын Улуттук коопсуздук кызматынын Фергана облусу боюнча башкармалыгы үч кишиге карата кылмыш ишин козгоду.