БИШКЕК, 6-янв. — Sputnik. Кытай эл республикасында айтылуу манасчы Жусуп Мамайдын варианты менен жазылган "Манас" эпосунун негизинде кытай тилинде экинчи ирет опера коюлду. Бул тууралуу ТИМдин маалымат кызматынан билдиришти.
Опера Кытайдын Маданият министрлиги жана Опера институтунун колдоосу менен 4-5-январь күндөрү тартууланды.
"Сценарийди Кытайдагы белгилүү сценарист Ван Сяолин даярдаган. Спектаклге даярданууга жалпысынан эки жыл сарпталды. Ага Кытай мамлекеттик театрынын 100дөн ашуун артисттери катышты", — деп айтылат ТИМдин маалыматында.
Операга эпостун "Манас" жана "Семетей" бөлүктөрү камтылды.
Кытай тилиндеги "Манас" операсынын Пекиндеги бет ачары биринчи жолу 2017-жылдын 30-сентябрында болгон.