БИШКЕК, 5-янв. — Sputnik. Психдиспансерде каттоодо турган жаран милициянын майоруна бычак урганын шаардык милициянын маалымат кызматы билдирди.
Аталган дарек боюнча шаардык милициянын аймактык тескөөчүсү, милициянын майору, М.Н барган. Жер төлөнү текшерүү учурунда 51 жаштагы Ф.А. аттуу жаран кармалган. Ал аймактык милицияда жана психикалык ден соолук боюнча республикалык борбордо каттоодо турган.
"Түшүндүрүү учурунда кармалган жаран аймактык тескөөчүнү курсакка бычак менен сайып жиберген", — деп айтылат маалыматта.
Кийин ал Октябрь РИИБине алып келинген. Милиция кызматкери ооруканага жаткырылып, медициналык жардам көрсөтүлгөн.
Текшерүү аныктагандай кармалган жаран мас болгон. Аталган факты боюнча кылмыш иши козголуп, шектүү киши убактылуу кармоо жайына киргизилди. Тергөө амалдары уланууда.