БИШКЕК, 4-янв. — Sputnik. Американын Калифорния университетинин профессору, сомнолог Мэттью Уолкер күндүз уктоо адамдын ден соолугуна тийгизген таасири тууралуу айтты. Бул тууралуу РИА Новости агенттиги BusIness Insider басылмасына таянуу менен билдирди.
Күндүз уктоо мээге жана ден соолукка оң таасир бергени менен түндө адамдын уйкусу качып жакшы укташына жолтоо болот. Адис күндүз 40-50 мүнөттөн ашык куш уйку салгандар кечинде дароо уктай албай көпкө чейин кыйналарын белгилеген.
Уолкер ошондой эле күндүз уктоо түндө канбай калган уйкунун ордун толтура албай турганын айтат.
"Уйку карыздарды чогултуп туруп бир төлөп койгудай банк эмес. Мисалы бир жумада уйкуну кыскартып, калганын дем алыш күндөрү уктап алам деген болбойт", — дейт профессор.
Ал ошондой эле маалы менен уктап туруу адамдын ден соолугуна түздөн-түз таасир берерин кошумчалаган.