БИШКЕК, 4-янв. — Sputnik. Бишкек шаарынын чок ортосунда эки автоунаа кагышканын күбө Sputnik Кыргызстан агенттигине билдирди.
Анын айтымында, окуя 4-январда түнкү саат 1:20лар чамасында болгон.
"Hyundai үлгүсүндөгү автоунаа Абдрахманов көчөсү менен түштүк тарапты көздөй, Ford машинасы Чүй проспектиси менен батышты көздөй бараткан. Алар жол чырагы күйүп-өчүп жатканда кагышты", — деди күбө.
Алдын ала маалымат боюнча эки айдоочу тең соо болгон, эч ким олуттуу жаракат алган эмес.
Шаардык милиция жол кырсыгы болгонун тастыктап, тергөө жүрүп жатканын кошумчалады.