БИШКЕК, 6-янв. — Sputnik. Германиядагы Лангеог аралынын жээгинде капысынан эле "Киндер-сюрприз" жана балдардын оюнчуктары пайда болуп калганын Associated Press маалымат агенттиги билдирди.
Маалым болгондой, бороондун айынан Германиянын Бремерхафен портуна келе жаткан жүк ташуучу кеменин желим "жумурткалар" менен оюнчуктар жүктөлгөн бир нече контейнери сууга түшүп калган. Кийин контейнерлердин ичиндегилерди толкун жээкке сүрүп чыгарган.
Жергиликтүү бийлик "жээк эриген шоколаддарга толуп, булганып калбасын" деп аны тазалоо үчүн бала бакчадагы балдарды алып барышкан. Наристелер кубануу менен жээкти тазалап беришкенин ЖМКлар жазып чыкты.
