Түркияда Россиянын элчисине кол салуу болду

© REUTERS / Umit BektasВооруженное нападение на российского посла в Анкаре
Вооруженное нападение на российского посла в Анкаре - Sputnik Кыргызстан
Жазылуу
Россия ТИМинин расмий өкүлү Мария Захарова жакын арада ведомство кол салуу боюнча билдирүү жасай турганын айтты.

БИШКЕК, 19-дек. — Sputnik. Анкарада Россиянын элчиси Андрей Карловго куралдуу кол салуу болгонун РИА Новости агенттиги Түркиянын NTV телеканалына шилтеме берүү менен жазып чыкты. 

Маалыматка ылайык, Карловдун абалы оор. Окуя сүрөт көргөзмөсүнүн ачылыш аземинде болгон. 

​Учурда Анкарадагы россиялык элчилик окуя боюнча эч кандай түшүндүрмө бере элек.

Ал эми Россия ТИМинин расмий өкүлү Мария Захарова жакын арада ведомство кол салуу боюнча билдирүү жасай турганын айтып, расмий маалыматка гана таянууга чакырды.

Россиянын Түркиядагы элчиси Андрей Карлов сүрөт көргөзмөсүнүн ачылышында - Sputnik Кыргызстан
Россиянын Түркиядагы элчиси кол салуудан улам каза болду
Учурда элчиге жардам көрсөтүлүп жатат. Россиянын ТИМи Түркия бийлигинен Карловдун коопсуздугун камсыздап берүүнү өтүндү. Ал эми президент Владимир Путин дипломатка болгон кол салуудан улам атайын кызмат жетекчилери менен жыйын өткөрмөкчү.

РИА Новости агенттиги өз булагына таянып, элчи алган жараатынан көз жумганын жарыялоодо. Бирок азырынча бул маалымат расмий тастыктала элек.

Акыркы маалымат боюнча дипломатка кол салган жарандын сүрөтү жарыяланып, болжол менен 20-25 жаштагы адам жок кылынганы айтылган.

Жаңылыктар түрмөгү
0