БИШКЕК, 19-ноя. — Sputnik. Түркиянын Стамбул шаарындагы Ататүрк аэропортунда жети киши 18-ноябрда (А.У., Х.Ө., Х.А., З.К., Б.С., Д.Т. жана Т.К. аттуу жарандар) декларацияланбаган 9,5 миллион доллар менен кармалды. Арасында Кыргызстан жана Өзбекстандын жарандары бар экенин haberler.com сайты билдирди.
18 Жетинин айы 2016, 19:12
Маалыматка ылайык, террорчулукка каршы күрөшүү башкармалыгынын кызматкерлери аэропортко келип конгон учактан чыккан 7 кишинин аракетинен шектенип, атайын бөлмөгө алып келип текшеришкен. Алгачкы маалыматтар боюнча шектүүлөрдүн арасында Кыргызстан менен Өзбекстандын жарандары да бар. Алардын баштыктарын текшере келгенде декларацияланбаган 9,5 миллион доллар чыккан.
Кармалган жарандар финансылык иштер менен алектенген атайын башкармалыкка тапшырылды. Түрк полициясы кармалган жарандар эмне себептен мынча көп каражатты Түркияга алып келгенин текшерип жатат.
